|
今日第一站在機場頭，因為艇家早說想試維港內釣，蝦仔有幾口，幾寨後，有二條斑仔約六七兩左右，一條黃腳約磅頭和一堆雜魚上水。
之後回艇去鯉魚門口釣，一去到，第一口勾大蝦就即吃餌，等它再回頭吃第二口就抽，收第二手後已經輕
了，收上來一看，見魚絲近斷口處全花了，看來魚應該在石繨位食餌。
第二寨，艇家蝦仔中魚，上水斤幾青斑，六磅魚絲花了，又沒有斷，真是技術出眾，來回釣了幾次，都無魚就鉺，就開出去東龍島。
試了幾處寨邊位都無火點，跟著再車出中間，我就換粗絲勾大蝦 (因為近數次都玩蝦仔多些)，第二寨不久，感覺有東西吃餌，似魷魚，我就收高些試看是
不是魷魚，它也追上來，我問艇家有無帶魷魚八爪勾，艇家叫我給他絲。
一過手不夠二秒，就出力抽絲，我即時去取撈箕，艇家話魚好勁口，應該很大條，他見我自從年頭走
了一條大魚後，都無上過似樣的大魚，就給回絲我上魚。一接手，感覺非常大條，艇家話好彩用廿五磅，廿磅應該頂不到。
魚非常惡，令我即時燒手，還要燒了手指三次，艇家問要幫手嗎，一定不用啦，難得有一次與大魚拚搏的經歷，我拚命忍受著血流指痛出盡全力收它上來，最後艇家用撈箕撈上大青班一條 (過磅10.8磅)。
釣多幾寨都無料到，就回去鯉魚門。艇家要求去一秘位，第一寨艇家就中魚，斤頭青班，亦都是埋齋魚，今日都算不錯，大蝦有幾口吃餌。
| 
